Neðri hæð Blábankans

Á fyrstu hæð Blábankans er opið rými fyrir viðburði og fundi. Rýmið rúmar um 40 manns í sæti eða 20 manns við borð. Í rýminu er stór skjár og hátalarar sem hægt er að nýta við kynningar og fundi en einnig áhorf á td. Fótboltaleiki.

Við innganginn er upplýsinga-horn þar sem hægt er að finna upplýsingar varðandi þróun Þingeyrar og stærri verkefni á svæðinu, praktískar upplýsingar fyrir íbúa og tilflutta og hvað er á döfinni á svæðinu.

Í miðju rýminu er huggulegur sófa krókur og aðgengi að bókum og dagblöðum.

Hægt er að færa öll húsgögn fyrir mismunandi viðburði.

Gjaldkeraþjónusta Landsbankans er á fyrstu hæð hússins og er þjónustan opin alla þriðjudaga kl. 13:00-15:00.

Efri hæð Blábankans

Á efri hæð hússins er samvinnurými með 7 borðum og stólum. Þar er einnig að finna besta útsýnið yfir fjörðinn. Eitt rými á efri hæð Blábankans er einstaklega hentugt fyrir myndbandagerð og myndvinnslu. Rýmið er án glugga og málað dökk grátt. Á efri hæðinni er að finna fundaraðstöðu fyrir allt að 8 manns. Í rýminu er stór skjár.